Luganda

ENSONGA ENKULU EY’OLUBEERERA

KATONDA ANJAGALA Gano ge mazima agasingayo ag’olubeerera. Googera ku mukwano ga Yesu nga kw’otadde obuyinike bwe yayitamu okutwalira awamu. Amazima gano fenna gatunkwatako; era mu ngeri yeemu googera ku Katonda waffe. Katonda yatukola dda kyonna ekyetaagisa okulokolebwa kululwo ne kulwange, naye naffe tuteekeddwa okusalawo oba tunaatambulira mu bulamu buno obwessanyu mu bw’atutegekedde mu ggulu. Katonda yanjagala nyo era kino obutonde bwona bukikakasa. Ensi eno gye tulimu nnene nnyo era tetusobola kupima bunene bwayo! Mulimu emunyeenye ennene ne zi ssemugenze ezeewuunyisa ennyo okussukuluma okutegeera kwaffe. Era ku nsi kuno kuliko ebirala bingi ebyeewunyisa ebiraga ekitiibwa kya Katonda waffe. OBUTONDE BUJULIRA KATONDA Mu Baibuli tusangamu amazima mangi ageewunyisa; nti Katonda ye yatonda ebitonde byonna; ebitono n’ebinene. Era etulaga nti Katonda oyo yatwagala nnyo. Ye yatonda obuwuka obutono okugeza; enkuyege, munyeera; ebyennyanja awamu n’ensolo ennene okugeza nga ggoonya, entulege n’ebirala byona – era ye yatutonda; ggwe nange. Yatutonda tubeere n’enkolagana na ye. NZE NAYONOONA Ensonga ekyasinze okuba enkulu mu byafaayo by’ensi yonna, yabaawo nga ensi yakatondebwa - abantu baasalawo okweyawula ku Katonda; eyabaagala ennyo era ne bakwata ekkubo eddala ku lwabwe. Empeera y’okwonoona kuno naffe yatutukako mu biseera byaffe ebya kaakano; kubanga, tetulina mirembe, tetwagalana, tutambulira mu buggya, tulwara era tulwanagana fekka na fekka. Entiisa esiingayo obubi gye tuyitamu kwe kwawukana ku Katonda okw’olubeerera! Okuviira ddala ku kwonoona okwasooka (okwa Adamu), abantu bonna basiiba banonya ssanyu na mirembe. Bangi mu nsi balina ebirooto byabwe ebinene naye tebituukiriziddwa. Buli lwe tunoonya essanyu, okuyita mu bintu; okugeza nga ssente, okulaakulana, okumanyika, oba eddiini, tumaliririza mu butaliimu. Ggwe Katonda yakutonda osobole okuweesa erinnya lye ekitiibwa era omusanyusenga. Tufuna emirembe egyannamaddala nga tutaddewo enkolagana ne Katonda waffe.

Titelbild Traktat Tigrinya

Herz - Punkt 1

Impression Kenia

Afrikanisches Mädchen

Liebe

Afrikaner betet

OLUGERO LW'OMUKWANO OLW'OLUBEERERA

Katonda yatuwa okwagala kwe okusingayo; era ekyo yakikola myaka nga 2000 egiyise. Yesu yajja kunsi, era buli kyona kye yatukolera kyalinga kyewuunyisa; okugeza okuzaalibwa kwe, obulamu bwe, okufa kwe awamu n’okuzuukira kwe - byonna byali bikulu nnyo. Teyawandiika kitabo kyonna, weewawo ebitabo bingi biwaandiikiddwa nga bikwata ku bulamu bwe. Akyuusiza obulamu bw’abantu bangi, era ekisiingayo mu byonna, omusajja ono yatugamba nti ye mwana wa Katonda!

Yesu agamba, Nze kkubo, amazima n’obulamu; tewali alijja ewa Kitange, nga tayitidde mu nze
Yokana 14:6

Mu bulamu bwe mwalimu amanyi mangi, era ebigambo bye yayogera oba bye yakola byaakyusiza ddala obulamu bw’abantu bangi ab’enjawulo; okwawukana n’ebiagambo bingi ebyasooka okwogerebwa. Yayagalanga nnyo abaanyomebwanga mu nsi okugeza, bagenge ne bamalaaya. N’okutuusa kaakano okuyigiriza kwe kukyakoma ku bulamu bw’abantu. Tuleme kwelabira ebyamagero bye yakola: okufuula amazzi enviinyo, okuwonya ba kiggala, abazibe bamaaso zwami n’okuzuukiza abafu.

YESU YANFIIRIRA

Yesu ye yekka eyatambulira mu bulamu obutuukitidde. Erinnya lye litegeeza, "Mukama alokola," era okufa kwe ku musaalaba kwali mu nteekateeka ya Mukama ey’okutulokola. Yesu yatukuutira okubeera abalongoofu, nga Kitaawe bw’ali omulongoofu. Tuteekeddwa okwagala Katonda n’emitima gyaffe gyonna, era n’okwagala baliraanwa baffe nga ffe bwe tweyagala. Yesu yakyogera kaati nti abantu tebalina busobozi obuyinza okuzibikira oluwonko oluli wakati waffe ne Katonda. Mu mu nsonga eno tetusobola kutambulira mu bisaanyizo bya Katonda; era kyetuva tutambulira mu mbeera embi bwetyo. Katonda mutukkuvu - ayagala tutambulire mu butuukirivu bwe; era tasanyukira kibi. Bayibuli egamba ekaattiriza nti empeera y’ekibi kufa. Yesu yajja asobole okuzzaawo enkolagana wakati w’omuntu ne Katonda eyayonooneka. Yesu akwagala n’okwagala okutaliiko kkomo; kyeyava awaayo byonna ku lulwo. Yeetikka omusango gw’ekibi kyo ekyali kikwawukanyizza ne Katonda.

Kubanga bwati bwe yayagala ensi, n’okuwaayo n’awaayo Omwana we omu yekka, nti buli amukkiriza aleme okubula wabula abe n’Obulamu omutaggwawo.
Yokaana 3:16

NTEEKEDDWA OKUSALAWO OKUBEERA NE KATONDA

Ku lunaku olw’okusatu, Katonda yazuukiza omwana we Yesu okuva mu bafu; era okuyita mu kuzuukira kwe, okufa kwawangulirwa ddala. Olwokuba nti yazuukira, yeekakasa okuba omwana wa Katonda. Mulamu nate era osobola okumanya.

Katonda ayagala oddemu obeere n’enkolagana naye. Yesu ayagala okujja mu bulamu bwo, akusonyiwe ebibi byo era akuwe obulamu obutaggwawo. Bw’oba ng’oyagala kino akikukolere mu bulamu bwo, era akufuule omwana wa Katonda, saba Katonda kaakano: Katonda ayagala okuzzaawo enkolagana ye wamu naawe. Yesu ayagala kujja mu bulamu bwo, akusonyiwe ebibi era akuwe obulamu obutaggwawo.

Bw’oba ng’oyagala akuwe obulamu buno, akufuule omwana wa Katonda, saba esaala eno kaakano:

Yesu, nzikiriza nti oli Mwana wa Katonda. Nzikiriza nti wan irira kulw’ebibi byange. Nkusaba onsonyiwe ebibi byange, era ojje oyingire mu mutima gwange. Nzikiriza nti wazuukira mu bafu era oli mulamu natte. Nkukkiriza okuba Mukama era Omulokozi w’Obulamu bwange. Naakugobereranga ebiro byange byonna; Amiina

Nkuyozaayoza bw’oba nga osabye esaala eno omulundi gwo ogusooka era ng’okitegeeza. Wano wammanga nkuteeredddewo ensonga ssatu zeenjagala otwale nga nkulu mu bulamu bwo obweyongerayo mu bulokozi;

1. Okusaba: Yogeranga ne Katonda buli lunaku, kusaba kwo n’okusinza Omutonzi.

2. Baibuli: Soma ekigambo kya Katonda buli lunaku osobole okumanya Yesu Kristo ono gw’oyatudde oku ba omulokozi wo.

3. Ekkanisa: Funayo ekkanisa eneekusobozesa oku manya Kristo obulungi ennyo.